Դիմորդ

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՐԹՈՒԹՅԱՆ ԵՎ ԳԻՏՈՒԹՅԱՆ ՆԱԽԱՐԱՐ

ՀՐԱՄԱՆ

---

No__254-Ն___                                                                                                                                    <<05>> ապրիլի  2012թ․

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽՆԱԿԱՆ ՄԱՍՆԱԳԻՏԱԿԱՆ
ԱՐՀԵՍՏԱԳՈՐԾԱԿԱՆ) ԵՎ ՄԻՋԻՆ ՄԱՍՆԱԳԻՏԱԿԱՆ
ԿՐԹԱԿԱՆ ԾՐԱԳՐԵՐ  ԻՐԱԿԱՆԱՑՆՈՂ  ՈՒՍՈՒՄՆԱԿԱՆ ՀԱՍՏԱՏՈՒԹՅՈՒՆՆԵՐԻ
ԸՆԴՈՒՆԵԼՈՒԹՅԱՆ ԿԱՐԳԸ  ՀԱՍՏԱՏԵԼՈՒ  ՄԱՍԻՆ

Հիմք ընդունելով <<Նախնական մասնագիտական (արհեստագործական) և միջին մասնագիտական կրթության մասին>> Հայաստանի Հանրապետության օրենքի 16-րդ հոդվածի 1-ին մասի 5-րդ կետը`

ՀՐԱՄԱՅՈՒՄ ԵՄ.

1. Հաստատել Հայաստանի Հանրապետության նախնական մասնագիտական (արհեստագործական) և միջին մասնագիտական կրթական ծրագրեր իրականացնող ուսումնական հաստատությունների ընդունելության կարգը` համաձայն հավելվածի:
2. Հայաստանի Հանրապետության կրթության և գիտության նախարարության նախնական (արհեստագործական) և միջին մասնագիտական կրթության վարչությանը և իրավաբանական վարչությանը` սահմանված կարգով սույն հրամանը ներկայացնել Հայաստանի Հանրապետության արդարադատության նախարարություն` պետական գրանցման:
3. Սույն հրամանի կատարման հսկողությունը հանձնարարել նախարարի տեղակալ Մ.Մկրտչյանին:

Ա.ԱՇՈՏՅԱՆ

---

 

Հավելված
ՀՀ կրթության և գիտության նախարարի
«05» ապրիլի 2012թ. N 254-Ն հրամանի

ԿԱՐԳ

ՆԱԽՆԱԿԱՆ ՄԱՍՆԱԳԻՏԱԿԱՆ (ԱՐՀԵՍՏԱԳՈՐԾԱԿԱՆ) ԵՎ ՄԻՋԻՆ
ՄԱՍՆԱԳԻՏԱԿԱՆ ԿՐԹԱԿԱՆ ԾՐԱԳՐԵՐ ԻՐԱԿԱՆԱՑՆՈՂ ՈՒՍՈՒՄՆԱԿԱՆ
ՀԱՍՏԱՏՈՒԹՅՈՒՆՆԵՐԻ ԸՆԴՈՒՆԵԼՈՒԹՅԱՆ

1. ԸՆԴՀԱՆՈՒՐ ԴՐՈՒՅԹՆԵՐ

1. Սույն կարգով (այսուհետ` կարգ) սահմանվում է Հայաստանի Հանրապետության նախնական մասնագիտական (արհեստագործական) (այսուհետ` արհեստագործական), միջին և բարձրագույն մասնագիտական պետական և հավատարմագրված ոչ պետական ուսումնական հաստատությունների (այսուհետ` Հաստատություն) արհեստագործական և միջին մասնագիտական կրթական ծրագրերով ընդունելության կարգը:
2. Հաստատությունում առկա (ստացիոնար) ուսուցմամբ ընդունելությունը կատարվում է առնվազն հիմնական կրթություն ունեցող, իսկ հեռակա ուսուցմամբ ընդունելությունն` առնվազն միջնակարգ կրթություն ունեցող անձանց դիմումներով:
3. Հաստատությունում ընդունելությունն իրականացվում է առանց ընդունելության քննությունների` սույն կարգի 24-րդ կետով սահմանված` մրցութային հիմունքով, բացառությամբ` արվեստի, առողջապահության և սպորտի ոլորտի (այսուհետ` Ոլորտային) միջին մասնագիտական կրթության մասնագիտությունների:
4. Օտարերկրացիներն` իրենց ընտրությամբ, Հաստատություն կարող են ընդունվել սույն կարգով` միայն վճարովի համակարգ կամ ՀՀ կառավարության կողմից սահմանված կարգով:

2. ԸՆԴՈՒՆԵԼՈՒԹՅԱՆ ՊԱՅՄԱՆՆԵՐԸ

5. Հաստատությունն ընդունելությունն իրականացնում է պետական կառավարման լիազորված մարմնի (այսուհետ` Լիազորված մարմին) կողմից տվյալ ուսումնական տարվա համար հատկացված`
1) արհեստագործական և (կամ) միջին մասնագիտական կրթական ծրագրով առկա (ստացիոնար) ուսուցմամբ անվճար և վճարովի տեղերին համապատասխան.
2) միջին մասնագիտական կրթական ծրագրով հեռակա ուսուցմամբ վճարովի տեղերին համապատասխան:
6. Լիազորված մարմնի կողմից առկա (ստացիոնար) կամ հեռակա ուսուցման տեղերը հատկացվելուց հետո՝ 15 աշխատանքային օրվա ընթացքում տնօրենը (ռեկտորը) հրապարակում է ընդունելության պայմանների վերաբերյալ հայտարարություն, որը ներառում է դիմորդի փաստաթղթերի ընդունման և մրցույթի անցկացման ժամկետները, ինչպես նաև յուրաքանչյուր մասնագիտության`
1) կրթության ձևը` առկա (ստացիոնար) կամ հեռակա, ինչպես նաև հեռավար (դիստանցիոն), դրսեկության ձևով ուսուցման պայմանները,
2) կրթության հիմքը` առնվազն հիմնական կամ միջնակարգ,
3) Լիազորված մարմնի կողմից հատկացված անվճար և վճարովի տեղերի քանակը,
4) քննության օր(եր)ը, ժամը, վայրը և տեսակը (գրավոր կամ բանավոր),
5) ուսման վճարի չափը,
6) ուսման տևողությունը,
7) որակավորումը,
8) և այլ տեղեկատվություն:
7. Առկա (ստացիոնար) ուսուցման մրցույթին մասնակցելու համար դիմորդի փաստաթղթերն ընդունվում են ընդունելության պայմանների վերաբերյալ հայտարարության հրապարակման օրվանից մինչև օգոստոսի 25-ը (Ոլորտային մասնագիտություններով` Հաստատության սահմանած ընդունելության քննության օրվանից 2 օր առաջ, բայց ոչ ուշ, քան օգոստոսի 23-ը), իսկ հեռակա ուսուցման համար՝ մինչև նոյեմբերի 25-ը:
8. Անվճար և վճարովի ուսուցման տեղերում մրցույթն իրականացվում է օգոստոսի 26- 27-ը: Ընդունելության մրցույթի արդյունքները հրապարակվում են Հաստատության տվյալ մասնագիտության մրցույթի արդյունքների ամփոփումից անմիջապես հետո:

3. ԸՆԴՈՒՆԵԼՈՒԹՅԱՆ ՀԱՆՁՆԱԺՈՂՈՎՆԵՐԸ
9. Ընդունելության գործընթացը կազմակերպելու նպատակով՝ Լիազորված մարմնի կողմից առկա (ստացիոնար) կամ հեռակա ընդունելության տեղերը հատկացվելուց հետո՝ 3 օրվա ընթացքում Հաստատությունում տնօրենի (ռեկտորի) հրամանով ստեղծվում է ընդունող հանձնաժողով և ընդունելության գործընթացը սպասարկող տեխնիկական անձնակազմ:
10. Ընդունող հանձնաժողովի կազմում ընդգրկվում են հանձնաժողովի նախագահը՝ Հաստատության տնօրենը (ռեկտորը), նախագահի տեղակալը, պատասխանատու քարտուղարը և անդամները:
11. Քննությունների անցկացման նպատակով ստեղծվում են քննական հանձնաժողովներ, որոնց կազմում կարող են ընդգրկվել Հաստատության, ինչպես նաև հրավիրված մասնագետներ: Քննական հանձնաժողովների նախագահներին հաստատում է Լիազորված մարմինը` ընդունող հանձնաժողովի նախագահի ներկայացմամբ, իսկ կազմերը հաստատում է Հաստատության տնօրենը (ռեկտորը):
Ընդունող հանձնաժողովի նախագահը` ընդունելության տեղերը հատկացվելուց հետո՝ 3 աշխատանքային օրվա ընթացքում, Լիազորված մարմնին է ներկայացնում քննական հանձնաժողովների նախագահ/ներ/ի թեկնածություն/ներ/ը:
12. Ընդունող հանձնաժողովը սույն կարգին և Հաստատության տնօրենի (ռեկտորի) հաստատած աշխատանքային պլանին համապատասխան ապահովում է`
1) առկա (ստացիոնար) և/կամ հեռակա ուսուցման ընդունելության կազմակերպումն ու անցկացումը.
2) դիմորդների ընդունելության փաստաթղթերի ընդունումը և ձևակերպումը, մատյանում դիմորդների գրանցումը, փաստաթղթերի ընդունման մասին ստացականի լրացումը և հանձնումը,
3) մասնագիտական կողմնորոշման նպատակով դիմորդների համար անհրաժեշտ խորհրդատվության տրամադրումը,
4) սույն կարգի 22-րդ կետով նախատեսված արտոնություններ ունեցող դիմորդներից անհրաժեշտ փաստաթղթերի պահանջումը և համապատասխան ձևակերպումը,
5) ընդունելության մրցույթի վերաբերյալ տեղեկատվության և քննական առարկաներից խորհրդատվության տրամադրումը,
6) Ոլորտային մասնագիտություններով դիմորդների ընդունելության ձևակերպումը՝ քննությունների ժամկետի (ամսաթիվ, ժամ) նշումով և քննական թերթիկների հանձնումը դիմորդներին,
7) ընդունելության մրցույթի անցկացումը և Հաստատություն ընդունված դիմորդներին հրամանագրելու մասին որոշման ընդունումը
8)ընդունելության համար Հաստատության շենքի նախապատրաստումը, տարածքների հատկացումը և կահավորումը, ինչպես նաև ընդունելության ընթացքում հերթապահությունը և տարածքի պահպանումը.
9) ընդունելությանն առնչվող անհրաժեշտ փաստաթղթերի ձեռքբերումը, ձևակերպումը,
10) դիմորդին և (կամ) նրա օրինական ներկայացուցչին Հաստատության լիցենզիային և կանոնադրությանը, ներքին կանոնակարգերին, կնքվելիք պայմանագրին, ինչպես նաև պետական հավատարմագրման վկայականին (առկայության դեպքում) և կրթության գործընթացը կարգավորող այլ իրավական ակտերին ծանոթացումը:
13. Ընդունելության նախապատրաստման և կազմակերպմանն առնչվող հարցեր քննարկելու համար ընդունող հանձնաժողովը պարբերաբար անց է կացնում նիստեր, որոնք արձանագրում է հանձնաժողովի պատասխանատու քարտուղարը, իսկ արձանագրությունները ստորագրում են հանձնաժողովի նախագահը և պատասխանատու քարտուղարը:
14. Ընդունող հանձնաժողովի նախագահը՝
1) կազմակերպում ու ղեկավարում է հանձնաժողովի աշխատանքները և վերահսկում է ընդունելության գործընթացը.
2) հրապարակում է ընդունելության պայմանների վերաբերյալ հայտարարությունը.
3) ձևավորում և հաստատում է քննական հանձնաժողովների կազմերն, ինչպես նաև կազմակերպում և վերահսկում է այդ հանձնաժողովների աշխատանքները.
4) հաստատում է Ոլորտային մասնագիտություններով ընդունելության քննությունների անցկացման ժամանակացույցը.
5) ընդունող և քննական հանձնաժողովների անդամներին ծանոթացնում է ընդունելության գործընթացը կարգավորող նորմատիվ փաստաթղթերին, ինչպես նաև ապահովում է նրանց աշխատանքային պայմանները.
6) որոշում է ընդունում Ոլորտային մասնագիտություններով դիմորդին ընդունելության քննություններին մասնակցելու թույլտվության վերաբերյալ, որի մասին նշում է կատարում նրա դիմումի վրա.
7) միջոցներ է ձեռնարկում ընդունելության ժամանակահատվածում հասարակական կարգի պահպանության, բժշկական սպասարկման ապահովման ուղղությամբ.
8) պատասխանատու է Հաստատությունում ընդունելության գործընթացի պատշաճ նախապատրաստման, կազմակերպման և անցկացման համար:
15. Ընդունող հանձնաժողովի նախագահի տեղակալը՝
1) կատարում է ընդունող հանձնաժողովի նախագահի պարտականությունները՝ նրա բացակայության ընթացքում.
2) ձևավորում է «Դիմորդի անկյուն»` մասնագիտական կողմնորոշման, ընդունելության կարգի ու պայմանների վերաբերյալ.
3) հսկում է քննական հանձնաժողովների կողմից մշակված քննական նյութերի ճիշտ և ժամանակին ձևակերպումն ու բազմացումն, ապահովում է քննությունների անցկացման համար անհրաժեշտ տարածքներ.
4) կազմակերպում և հսկում է սպասարկող անձնակազմի աշխատանքները:
16. Հանձնաժողովի պատասխանատու քարտուղարը`
1) ապահովում է ընդունելության հետ կապված անհրաժեշտ փաստաթղթերի լրացումն ու հաշվառումն ըստ սահմանված կարգի.
2) Ոլորտային մասնագիտություններով կազմում է դիմորդների խմբերն ըստ քննական առարկաների և լրացնում քննական տեղեկագրերը.
3) հսկում է դիմորդների փաստաթղթերի ճիշտ ձևակերպման, գրանցման մատյանի և հաշվառման այլ փաստաթղթերի վարման ընթացքը.
4) նախապատրաստում է ընդունող հանձնաժողովի նիստերի նյութերը, ընդունելության հետ կապված հարցերի վերաբերյալ տնօրենի հրամանների նախագծերը, գրառում է ընդունող հանձնաժողովի նիստերի արձանագրությունները.
5) պատասխանատու է ընդունելությանն առնչվող բոլոր փաստաթղթերի պահպանման համար:
17. Քննական հանձնաժողովի նախագահը՝
1) կազմակերպում է քննական տոմսերի և քննական այլ նյութերի մշակումը,
2) ընդունող հանձնաժողովի նախագահի հետ միասին ստորագրում և ծրարում է քննական տոմսերը և պատասխանատու է Հաստատությունում դրանց պահպանման համար.
3) ղեկավարում է քննության ընթացքը և պատասխանատու է քննության անցկացման և հանձնաժողովի աշխատանքի որակի համար,
4) պատասխանատու է քննական տոմսերի մեջ հայտնաբերված վրիպակները տեղում ուղղելու համար,
5) դիմորդներին բացատրում է քննության ընթացակարգը և ներկայացվող պահանջները,
6) ընտրողաբար ստուգում կամ վերստուգում է գրավոր աշխատանքները,
7) յուրաքանչյուր քննության ավարտից անմիջապես հետո ընդունող հանձնաժողովին է ներկայացնում քննությունների ամփոփ արդյունքները:
18. Ընդունող հանձնաժողովի լիազորությունները դադարում են ընդունելության մրցույթի վերջնական արդյունքների ամփոփման, իսկ քննական հանձնաժողովների լիազորությունները` համապատասխան քննությունների վերջնական արդյունքերի ամփոփման օրվան հաջորդող 3-րդ օրվանից:

4. ԸՆԴՈՒՆԵԼՈՒԹՅԱՆ ԴԻՄՈՒՄԸ

19. Դիմորդը` Հաստատության ընդունող հանձնաժողովին անձամբ, իսկ անչափահաս լինելու դեպքում օրինական ներկայացուցչի (ծնողի, որդեգրողի կամ հոգաբարձուի) հետ ներկայացնում է`
1) դիմում,
2) 4 լուսանկար (3×4 չափսի),
3) կրթության մասին փաստաթղթի բնագիրը կամ պատճենը,
4) անձը հաստատող փաստաթուղթ (անձնագիր, կամ ծննդյան վկայական՝ մինչև 16 տարեկան դիմորդի համար, կամ զինվորական գրքույկ, կամ Հայաստանի Հանրապետության կառավարությանն առընթեր Հայաստանի Հանրապետության ոստիկանության բաժինների կողմից տրվող անձը հաստատող ժամանակավոր փաստաթուղթ, կացության վկայական, փախստականի վկայական),
5) կցագրման վկայական (զորակոչային տարիք ունեցող դիմորդից ընդունվում են զինհաշվառման փաստաթղթերում տարկետման իրավունք տվող համապատասխան նշումի կամ չզորակոչվելու պատճառը հաստատող այլ նշումների առկայության դեպքում, իսկ նախկինում առողջության պատճառով տարկետում ունեցողներից՝ Հանրապետական զորակոչային հանձնաժողովի նշումների առկայության դեպքում).
6) սույն կարգի 22-րդ կետով սահմանված` ընդունելության արտոնության իրավունքը հաստատող փաստաթուղթ (առկայության դեպքում), որը Հաստատության տնօրենը (ռեկտորը) ուսանողներին հրամանագրելուց հետո՝ 2-օրյա ժամկետում ներկայացնում է Լիազորված մարմնին.
7) իր ընտրած մասնագիտության համար պահանջվածից ավելի բարձր կրթության ավարտական փաստաթղթի պատճենը (առկայության դեպքում), ինչպես նաև այդ մասնագիտությանը համապատասխան` վարպետային ուսուցման որակավորման կամ կարճաժամկետ դասընթացի վկայականի պատճենը (առկայության դեպքում).
8) միջազգային և հանրապետական մրցույթների (օլիմպիադաների, փառատոնների) դիպլոմները (առկայության դեպքում),
9) պետական բարձրագույն ուսումնական հաստատություն ընդունվելու համար տվյալ տարվա, ինչպես նաև նախորդ տարվա հանձնած ընդունելության քննությունների գնահատականների վերաբերյալ փաստաթուղթը (առկայության դեպքում),
10) տեղեկանք աշխատանքի վայրից (առկայության դեպքում):
20. Դիմորդը Հաստատություն ընդունվելու համար կարող է դիմել մինչև 2 մասնագիտության հայտագրմամբ՝ մրցույթի առաջին հայտի գերակայության սկզբունքով, անվճար և վճարովի ուսուցման հիմունքով:
21. Դիմորդը` միջին մասնագիտական կրթական ծրագրով ընդունելության գործընթացի կազմակերպման և անցկացման համար, տվյալ Հաստատությունում նախապես վճարում է 1000 (հազար) ՀՀ դրամ: Անկախ մրցույթին մասնակցելուց և ընդունելության արդյունքից՝ վճարված գումարը դիմորդին հետ չի վերադարձվում: Սահմանված վճարներից ազատվում են սույն կարգի 22-րդ կետով նախատեսված արտոնություններ ունեցող դիմորդները, ինչպես նաև Հաստատության ընդունող հանձնաժողովի հայեցողությամբ` սոցիալական աջակցության կարիք ունեցող այլ դիմորդներ:
22. Ընդունելության մրցույթից դուրս, պահուստային տեղերի հաշվին ընդունվում են` <<Առանց ծնողական խնամքի մնացած երեխաների սոցիալական պաշտպանության մասին>> Հայաստանի Հանրապետության օրենքի 7-րդ, <<Հայաստանի Հանրապետությունում հաշմանդամների սոցիալական պաշտպանության մասին>> Հայաստանի Հանրապետության օրենքի 14-րդ, <<Զինծառայողների և նրանց ընտանիքների անդամների սոցիալական ապահովության մասին>> Հայաստանի Հանրապետության օրենքի 37-րդ հոդվածներով, Հայաստանի Հանրապետության կառավարության 1999 թվականի օգոստոսի 27-ի <<Հայաստանի Հանրապետության միջին մասնագիտական պետական ուսումնական հաստատություններում դիմորդների ընդունելության արտոնությունները սահմանելու մասին>> N 545 որոշման պահանջներին, ինչպես նաև ՀՀ օրենսդրությամբ սահմանված համապատասխան արտոնություններ ունեցող Դիմորդները:

5. ԸՆԴՈՒՆԵԼՈՒԹՅԱՆ ՄՐՑՈՒՅԹԸ

23. Ընդունելության մրցույթն անց է կացվում ըստ մասնագիտությունների՝ տվյալ Հաստատությունում:
24. Ընդունելության մրցույթն անցկացվում է Լիազորված մարմնի կողմից ըստ մասնագիտությունների հատկացված անվճար և վճարովի ուսուցման տեղերում` հետևյալ սկզբունքով.
1) Անվճար ուսուցման տեղում առաջին հերթին ընդունվում է հիմնական կրթության վկայականի, միջնակարգ կրթության ատեստատի միավորների (այդ թվում` քննական), նախնական մասնագիտական (արհեստագործական), միջին մասնագիտական, բարձրագույն մասնագիտական կրթության դիպլոմի ներդիրի գնահատականների միջին թվաբանականի և տվյալ մասնագիտության համար սույն կարգի ցանկով ընդունելության մրցութային առարկաների գնահատականների/միավորների ընդհանուր առավելագույն գումար ունեցող դիմորդը:
2) Ոլորտային մասնագիտություններով անվճար տեղում առաջին հերթին ընդունվում է հիմնական կրթության վկայականի, միջնակարգ կրթության ատեստատի միավորների (այդ թվում` քննական), նախնական մասնագիտական (արհեստագործական), միջին մասնագիտական, բարձրագույն մասնագիտական կրթության դիպլոմի ներդիրի գնահատականների միջին թվաբանականի և սույն կարգի ցանկերով (հավելված 1-ը կցվում է) տվյալ մասնագիտության քննության/քննությունների գնահատականի(ների) ու տվյալ մասնագիտության համար ընդունելության մրցութային առարկաների գնահատականների/միավորների ընդհանուր առավելագույն գումար ունեցող դիմորդը:
3) մրցութային հավասար միավորներ ունենալու դեպքում ըստ սահմանված հերթականության առավելությունը տրվում է՝
ա. մեդալակիր-դիմորդին.
բ. տվյալ մասնագիտությամբ առավել երկարատև մասնագիտական աշխատանքային ստաժ ունեցող դիմորդին.
գ. պետական բարձրագույն ուսումնական հաստատություն ընդունվելու համար քննություններից առավել բարձր գնահատականներ ունեցող դիմորդին.
դ. տվյալ մասնագիտության գծով բարձրագույն կամ մասնագիտական կրթություն ստացած դիմորդին.
ե. դպրոցականների հանրապետական առարկայական օլիմպիադաների առաջին կարգի դիպլոմ ստացած դիմորդին.
զ. հիմնական կրթության վկայականի, միջնակարգ կրթության ատեստատի միավորների (այդ թվում` քննական), նախնական մասնագիտական (արհեստագործական), միջին մասնագիտական, բարձրագույն մասնագիտական կրթության դիպլոմի ներդիրի գնահատականների առավելագույն միջին թվաբանական ունեցող դիմորդին.
է. ըստ տվյալ մասնագիտության համար սույն կարգի ընդունելության մրցույթային առարկաների ցանկով սահմանված առաջնային համարվող առարկաներից առավել բարձր գնահատականների/միավորների ունեցած դիմորդին:
4) վճարովի ուսուցման տեղերը համալրվում են անվճար ուսուցման տեղերը համալրվելուց հետո` սույն կարգի 24-րդ կետի 1-ից 3-րդ ենթակետերով նախատեսված կարգով.
5) մրցույթը համարվում է ավարտված, Լիազորված մարմնի կողմից տվյալ ուսումնական տարվա համար Հաստատությանն հատկացված տեղերը համալրվելու կամ դիմորդների թիվն այդ տեղերից պակաս լինելու դեպքում:
25. Թափուր տեղերի առկայության դեպքում մրցութային հիմունքով Հաստատություն կարող է ընդունվել ընթացիկ տարում այլ Հաստատություն մրցույթով չանցած այն դիմորդը, ով մինչև տվյալ ուսումնական տարվա օգոստոսի 30-ը ներառյալ կներկայացնի սույն կարգի 19-րդ կետով պահանջված փաստաթղթերը:
26. Հայաստանի Հանրապետության պետական բարձրագույն ուսումնական հաստատություն ընդունվելու համար տվյալ տարվա, ինչպես նաև նախորդ տարվա հանձնած որևէ առարկայի ընդունելության քննության դրական գնահատականը, որը ներկայացվում է սահմանված ձևի տեղեկանքով, դիմորդի ցանկությամբ համարվում է Հաստատությունում տվյալ առարկայի ընդունելության մրցութային գնահատական:
27. Ավարտական փաստաթղթում <<Հայոց լեզու>> առարկայից գնահատական չունեցող դիմորդի համար <<Հայոց լեզու>> առարկան նրա ցանկությամբ փոխարինվում է որևէ <<Օտար լեզու>> առարկայով:
28. Ոլորտային մասնագիտություններով ընդունելության քննություններն անցկացնում են քննական հանձնաժողովները` Հաստատության տնօրենի (ռեկտորի) հաստատած ժամանակացույցի համաձայն: Ժամանակացույցը քննությունների սկզբից առնվազն մեկ շաբաթ առաջ փակցվում է Հաստատությունում` ի տես բոլորի, իսկ ժամանակացույցի պատճենը՝ հաստատումից հետո 2 աշխատանքային օրվա ընթացքում, բայց ոչ ուշ քան քննությունները սկսելուց մեկ շաբաթ առաջ, ներկայացվում է Լիազորված մարմնին:
29. Քննական տոմսերը կազմվում են Հաստատության քննական հանձնաժողովների կողմից՝ ընդունելության քննություններից առնվազն 10 աշխատանքային օր առաջ:
30. Գրավոր առարկաների քննական տեքստերի քանակը պետք է լինի խմբերի թվից առնվազն 3-ով ավելի: Գրավոր քննությունների հարցատոմսերը պետք է կազմված լինեն այն հաշվարկով, որ յուրաքանչյուր քննական խմբի համար գործածության մեջ դրվի հարցատոմսի 4 տարբերակ պարունակող, նախապես կոմպլեկտավորված մեկ փաթեթ, իսկ վերջինիս ընտրությունը կատարվի առնվազն 3 փաթեթից:
31. Դիմորդն ընդունելության քննության է ներկայանում անձնագրով (մինչև 16 տարեկան դիմորդը` ծննդյան վկայականով, եթե անձնագիր չունի), կամ զինվորական գրքույկով, կամ ՀՀ ոստիկանության բաժինների կողմից տրված համապատասխան ձևով և քննական թերթիկով, որոնք ստուգվում են ընդունող հանձնաժողովի կողմից՝ Հաստատություն և քննասենյակ մտնելիս: Քննությունների ժամանակացույցով նախատեսված օրն անհարգելի պատճառով քննությանը չներկայացած դիմորդին չի թույլատրվում մասնակցել հետագա քննություններին: Հարգելի պատճառով քննությանը չներկայացած դիմորդին, ընդունող հանձնաժողովի որոշմամբ, հնարավորություն է տրվում այն հանձնել, եթե տվյալ առարկայի քննությունները Հաստատությունում չեն ավարտվել:
32. Յուրաքանչյուր քննական խմբում, որպես կանոն, ընդգրկվում է մինչև 30 դիմորդ: Բանավոր քննության դեպքում քննասենյակում միաժամանակ կարող է գտնվել ոչ ավելի, քան 5 դիմորդ:
33. Ընդունելության քննությունների օրերին Հաստատությունում և քննական սենյակում գտնվելու իրավունք ունեն.
1) Հաստատությունում` ընդունող հանձնաժողովի անդամները, տվյալ օրվա քննություններին մասնակցող դիմորդներն ու քննական հանձնաժողովի անդամները, սպասարկող տեխնիկական անձնակազմի անդամները, Հայաստանի Հանրապետության կրթության և գիտության նախարարության, ինչպես նաև Լիազորված մարմնի ներկայացուցիչները: Գրավոր քննության ընթացքին հետևելու նպատակով ընդունող հանձնաժողովի նախագահը կարող է հրավիրել դիմորդների ծնողներ, հասարակայնության ներկայացուցիչներ և լրագրողներ:
2) Քննական սենյակում` քննական հանձնաժողովի անդամները, տվյալ օրվա քննություններին մասնակցող դիմորդները, Ընդունող հանձնաժողովի նախագահը և տեղակալը, ընդունող հանձնաժողովի պատասխանատու քարտուղարը և սպասարկող տեխնիկական անձնակազմի անդամները միայն ընդունող հանձնաժողովի նախագահի թույլտվությամբ, Հայաստանի Հանրապետության կրթության և գիտության նախարարության, ինչպես նաև Լիազորված մարմնի ներկայացուցիչները:
34. Արվեստի ոլորտի մասնագիտությունների քննությունների համար նախատեսվում է հետևյալ տևողությունը.
1) «Սոլֆեջիո» առարկայի գրավոր թելադրության համար՝ 25 րոպե, իսկ բանավոր քննությանը` յուրաքանչյուր դիմորդի նախապատրաստվելու և պատասխանելու համար մինչև 15-ական րոպե.
2) գեղարվեստի մասնագիտություններով`
ա) գծանկար` մինչև 540 րոպե (3 օր` յուրաքանչյուր օրը 4 ակադեմիական ժամ).
բ) գունանկար` մինչև 360 րոպե (2 օր` յուրաքանչյուր օրը 4 ակադեմիական ժամ).
գ) կոմպոզիցիա` մինչև 450 րոպե (2 օր` յուրաքանչյուր օրը 5 ակադեմիական ժամ).
դ) քանդակ` մինչև 360 րոպե (2 օր` յուրաքանչյուր օրը 4 ակադեմիական ժամ).
ե) քանդակի կոմպոզիցիա` մինչև 225 րոպե (1 օր` 5 ակադեմիական ժամ):
35. Ոլորտային մասնագիտություններով գրավոր քննական աշխատանքները (ներառյալ սևագրությունը) և բանավոր քննությունների ժամանակ դիմորդների նշումները կատարվում են Հաստատության դրոշմակնքված թերթիկների վրա: Վերջիններս ենթակա են հաշվառման և մինչև քննական հանձնաժողովին հանձնելը պահվում են ընդունող հանձնաժողովի նախագահի մոտ:
36. Գրավոր քննական աշխատանքները, բանավոր քննությունների ժամանակ դիմորդներին տրված դրոշմակնքված թերթիկները, լրացված քննական տեղեկագրերը՝ քննական հանձնաժողովի նախագահը քննության ավարտից (գրավոր քննության դեպքում՝ աշխատանքների ստուգումից) անմիջապես հետո հանձնում է ընդունող հանձնաժողովի պատասխանատու քարտուղարին: Յուրաքանչյուր քննության արդյունքները հաստատվում են ընդունող հանձնաժողովի նախագահի կողմից:
37. Գրավոր աշխատանքների ստուգումը կատարվում է Հաստատությունում, քննական հանձնաժողովի անդամների կողմից:
38. Ոլորտային մասնագիտություններով բանավոր քննությունների համար նախատեսվում է հետևյալ տևողությունը` յուրաքանչյուր դիմորդի նախապատրաստվելու համար մինչև 30 րոպե, իսկ պատասխանի համար մինչև 15 րոպե:
39. Ընդունելության քննությունները Ոլորտային մասնագիտություններով գնահատվում են 20 բալային համակարգով: Դրական են համարվում 8 և ավելի միավորները: 8 միավորից ցածր ստացած դիմորդը չի մասնակցում մրցույթին:
40. Քննությունների ժամանակացույցով նախատեսված օրն անհարգելի պատճառով քննությանը չներկայացած դիմորդին չի թույլատրվում մասնակցել հետագա քննություններին: Հարգելի պատճառով քննությանը չներկայացած դիմորդին, ընդունող հանձնաժողովի որոշմամբ, հնարավորություն է տրվում այն հանձնել, եթե տվյալ առարկայի քննությունները Հաստատությունում չեն ավարտվել:
41. Հաստատության ընդունող հանձնաժողովի կողմից հաստատված քննությունների արդյունքների ցուցակները փակցվում են ի տես բոլորի ոչ ուշ, քան տվյալ քննության հաջորդ օրվա ժամը 12-ը:
42. Գրավոր քննության գնահատականը դիմորդը կարող է գրավոր բողոքարկել ընդունող հանձնաժողովի նախագահին՝ քննությունների արդյունքները հրապարակվելուց հետո` մինչև հաջորդ օրվա ժամը 12-ը: Դիմումը ստանալուց հետո 1 աշխատանքային օրվա ընթացքում քննական հանձնաժողովը`
1) դիմորդի ներկայությամբ վերստուգում, քննարկում է բողոքարկված աշխատանքը.
2) պատճառաբանված մերժում է փոփոխել կամ փոփոխում է գնահատականը` այդ մասին տեղյակ պահելով դիմորդին:
43. Գնահատականը փոփոխելու դեպքում այն վավերացվում է քննական հանձնաժողովի նախագահի կողմից, որի համար քննական տեղեկագրում հանձնաժողովի նախագահը տվյալ դիմորդի հերթական համարը վերցնում է շրջանակի մեջ, դրա դիմաց կատարում է «Գնահատականը փոփոխված է» նշումը և ստորագրում: Փոփոխված գնահատականն անց է կացվում նոր տեղեկագրի մեջ: Համապատասխան փոփոխություն է կատարվում նաև դիմորդի քննական թերթիկում: Գնահատականների փոփոխությունը արձանագրվում է ընդունող հանձնաժողովի կողմից:
44. Բանավոր քննության գնահատականը դիմորդն իրավունք ունի բողոքարկել առանց քննասենյակից դուրս գալու՝ քննական հանձնաժողովի նախագահի ներկայությամբ: Բողոքի քննարկման արդյունքում Հանձնաժողովի նախագահը կարող է վերանայել բանավոր քննության գնահատականը:
45. Ընդունելության մրցույթի արդյունքները հրապարակվում են տվյալ մասնագիտության մրցույթի արդյունքների ամփոփումից անմիջապես հետո և 3 աշխատանքային օրվա ընթացքում ընդունելության արդյունքները ներկայացվում է Լիազորված մարմնին:

6. ՈՒՍԱՆՈՂԻ ՀՐԱՄԱՆԱԳՐՈՒՄԸ ԵՎ ՈՒՍՈՒՄՆԱՌՈՒԹՅՈՒՆԸ

46. Մրցույթով անցած յուրաքանչյուր դիմորդի համար կազմվում է անձնական գործ, որտեղ ընդգրկվում են սույն կարգի 19-րդ կետի 1-2 և 3-10 ենթակետերով նախատեսված փաստաթղթերը կամ փաստաթղթերի պատճեները, հիմնական կրթության վկայականի կամ միջնակարգ կրթության ատեստատի բնագիրը կամ նոտարական հաստատումով (վավերացված) պատճենը, իսկ առկայության դեպքում` նաև գրավոր քննական աշխատանքները, բողոքարկման դիմումները և դրանց վերաբերյալ որոշումները:
47. Ընդունող հանձնաժողովի համապատասխան որոշման և լրիվ ձևակերպված անձնական գործի հիման վրա Հաստատության տնօրենը մրցույթով անցած դիմորդներին 2 աշխատանքային օրվա ընթացքում հրամանագրում է որպես ուսանող: Հրամանագրվածների ցուցակները հրապարակվում են ոչ ուշ, քան հրամանագրման հաջորդ օրը:
48. Թափուր տեղերի առկայության դեպքում մրցութային հիմունքով Հաստատություն կարող է ընդունվել ընթացիկ տարում այլ մասնագիտական ուսումնական հաստատություն մրցույթով չանցած այն դիմորդը, ով մինչև տվյալ ուսումնական տարվա օգոստոսի 31-ը ներառյալ կներկայացնի սույն կարգի 19-րդ կետով պահանջված փաստաթղթերը:
49. Հաստատության տնօրենը (ռեկտորը) հրամանագրված դիմորդի հետ կնքում է պայմանագիր, որտեղ պարտադիր ամրագրվում են ուսանողի ընտրած մասնագիտությունը, ուսուցման ձևը, սովորելու տարիների տևողությունը և Հաստատությունում ուսման վարձի ընդհանուր չափը՝ բաժանված ըստ ուսումնական տարիների: Պայմանագրով նախատեսված ուսման վարձի ընդհանուր և դրա՝ ըստ տարիների բաժանված չափերը, ուսումնառության ամբողջ ընթացքում փոփոխման ենթակա չեն, բացառությամբ Հայաստանի Հանրապետության օրենսդրությամբ նախատեսված դեպքերի:
50. Ուսանողին հանձնվում է պայմանագրի երկրորդ օրինակը, ուսանողական տոմս և առաջադիմության գրքույկ:
51. Հաստատության ուսումնական խմբում ուսանողների թիվը սահմանվում է` առկա (ստացիոնար) ուսուցման համար մինչև 25, հեռակա ուսուցման համար` մինչև 20 մարդ:
52. Հաստատություն չընդունված դիմորդին վերադարձվում են սույն կարգի 19-րդ կետով պահանջված փաստաթղթերը, իսկ դրանց պատճեները, ինչպես նաև քննական աշխատանքները պահպանվում են Հաստատությունում 6 ամիս, որից հետո ոչնչացվում են ՀՀ օրենսդրությամբ սահմանված կարգով:
53. Ընդունելության հետ առնչվող կամ մրցույթի անցկացման ընթացքում ծագած հարցերը, որոնք չեն կանոնակարգվում սույն կարգով, կարգավորվում են ոլորտը կարգավորող այլ իրավական ակտերով:
54. Սույն կարգի իրականացումը վերահսկում է կրթության պետական կառավարման լիազորված մարմինը:

Հավելված 1
ՀՀ կրթության և գիտության նախարարի
«05» ապրիլի 2012թ. N 254 հրամանով հաստատված կարգի

ՑԱՆԿ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽՆԱԿԱՆ ՄԱՍՆԱԳԻՏԱԿԱՆ (ԱՐՀԵՍՏԱԳՈՐԾԱԿԱՆ) ԿՐԹԱԿԱՆ ԾՐԱԳՐԵՐ ԻՐԱԿԱՆԱՑՆՈՂ ՈՒՍՈՒՄՆԱԿԱՆ
ՀԱՍՏԱՏՈՒԹՅՈՒՆՆԵՐՈՒՄ ԸՍՏ ՄԱՍՆԱԳԻՏՈՒԹՅՈՒՆՆԵՐԻ ԸՆԴՈՒՆԵԼՈՒԹՅԱՆ
ՄՐՑՈՒԹԱՅԻՆ ԱՌԱՐԿԱՆԵՐԻ

ԴԱՍԻՉԸ	ՄԱՍՆԱԳԻՏՈՒԹՅՈՒՆԸ	ՄՐՑՈՒԹԱՅԻՆ ԱՌԱՐԿԱՆԵՐԸ
		1	2	3
0514	Գեղարվեստական ձևավորման աշխատանքներ և դիզայն	Երկ.	Մ	Հլգ
0515	Զարդակիրառական արվեստ	Երկ.	Մ	Հլգ
0601	Հաշվետարություն	Մ	Հլգ	Օլ
0604	Բանկային գործ	Մ	Հլգ	Օլ
0605	Փաստաթղթավարություն, տեղեկատվական և կազմակերպչական սպասարկում	Հլգ	Օլ	Իր
0608	Առևտրական գործ	Մ	Հլգ	Օլ
0904	Օգտակար հանածոների հարստացում	Աշխ	Հլգ	Ք
1002	Էլեկտրասարքավորումների տեխնիկական շահագործում	Ֆ	Մ	Հլգ
1003	Մեքենաների և մեխանիզմների էլեկտրասարքավորումների տեխնիկական շահագործում	Ֆ	Մ	Հլգ
1007	Էլեկտրալուսավորման և ուժային սարքավորումների էլեկտրամոնտաժում	Ֆ	Մ	Հլգ
1105	Մետաղների մշակման տեխնոլոգիա ճնշմամբ	Ֆ	Մ	Հլգ
1207	Եռակցման աշխատանքների տեխնոլոգիա	Ֆ	Մ	Հլգ
1210	Մետաղների մեխանիկական մշակում հաստոցների և գծերի վրա	Ֆ	Մ	Հլգ
1706	Հիվանդի  ընդհանուր խնամք	Կ	Ք	Հլգ
1903	Չափիչ-ստուգիչ սարքերի և ավտոմատիկայի տեխնիկական շահագործում	Ֆ	Մ	Հլգ
2003	Ռադիոէլեկտրոնային սարքավորումների և սարքերի արտադրության տեխնոլոգիա	Ֆ	Մ	Հլգ
2009	Կապի սարքավորումների մոնտաժում և շահագործում	Ֆ	Մ	Հլգ
2014	Ռադիոէլեկտրոնային միջոցների տեխնիկական սպասարկում և նորոգում	Ֆ	Մ	Հլգ
2203	Համակարգիչների շահագործում	Մ	Ֆ	Հլգ
2204	Էլեկտրոնային հաշվողական մեքենաների տեխնիկական սպասարկում և նորոգում	Մ	Ֆ	Հլգ
2304	Վարսավիրական արվեստ և զարդային դիմահարդարում	Երկ.	Կ	Հլգ
2305	Լուսանկարչություն	Ֆ	Մ	Հլգ
2311	Հասարակական սնունդ	Կ	Ք	Հլգ
2401	Տրանսպորտային միջոցների շահագործում և նորոգում (ըստ տեսակների)	Մ	Ֆ	Հլգ
2402	Ավտոմատիկան, հեռուստամեխանիկան և կապը երկաթուղային տրանսպորտում	Ֆ	Մ	Հլգ
2406	Երկաթուղու և գծային տնտեսության շահագործում	Մ	Ֆ	Հլգ
2512	Քիմիական արտադրության տեխնոլոգիա	Ք	Կ	Հլգ
2704	Գինեգործություն և հյութերի արտադրություն	Կ	Ք	Հլգ
2802	Մանվածքի և մանվածքային իրերի տեխնոլոգիա	Ք	Մ	Հլգ
2809	Կարի արտադրության տեխնոլոգիա	Մ	Ք	Հլգ
2901	Վերամբարձ-տրանսպորտային միջոցների տեխնիկական շահագործում	Մ	Ֆ	Հլգ
2907	Ատաղձագործական, մանրահատակագործական, ապակեգործական աշխատանքեր	Երկ.	Մ	Հլգ
2908	Հարդարման շինարարական աշխատանքների իրականացում	Երկ.	Մ	Հլգ
2915	Գազային սարքավորումների և ստորգետնյա գազատարների տեխնիկական շահագործում	Ֆ	Մ	Հլգ
3106	Գյուղատնտեսական աշխատանքների տեխնիկական ապահովում	Ֆ	Մ	Հլգ
3112	Գյուղացիական (ֆերմերային) տնտեսության կազմակերպում	Կ	Մ	Հլգ
3404	Լաբորատոր հետազոտություններ և չափումներ արտադրությունում (ըստ ուղղությունների)	Ք	Մ	Հլգ

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Օգտագործված հապավումներ
Հլգ– Հայոց լեզու և գրականություն
Օլ – Օտար լեզու
Մ – Մաթեմատիկա
Ֆ – Ֆիզիկա
Ք – Քիմիա
Կ – Կենսաբանություն
Աշխ – Աշխարհագրություն
Երկ – Երկրաչափություն
Իր – Իրավունքի

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՄԻՋԻՆ ՄԱՍՆԱԳԻՏԱԿԱՆ ԿՐԹԱԿԱՆ ԾՐԱԳՐԵՐ ԻՐԱԿԱՆԱՑՆՈՂ ՊԵՏԱԿԱՆ ՈՒՍՈՒՄՆԱԿԱՆ ՀԱՍՏԱՏՈՒԹՅՈՒՆՆԵՐՈՒՄ ԸՍՏ
ՄԱՍՆԱԳԻՏՈՒԹՅՈՒՆՆԵՐԻ ԸՆԴՈՒՆԵԼՈՒԹՅԱՆ ՔՆՆԱԿԱՆ ԵՎ ՄՐՑՈՒԹԱՅԻՆ ԱՌԱՐԿԱՆԵՐԻ

ՄԱՍՆԱԳԻՏՈՒԹՅՈՒՆԸ		ԸՆԴՈՒՆԵԼՈՒԹՅԱՆ ՄՐՑՈՒԹԱՅԻՆ ԱՌԱՐԿԱՆԵՐԸ			ԸՆԴՈՒՆԵԼՈՒԹՅԱՆ ՔՆՆԱԿԱՆ ԱՌԱՐԿԱՆԵՐԸ
		1	2	3	1	2	3
0201	Իրավագիտություն	Հպ	Հլգ	Օլ
0202	Սոցիալական ապահովության կազմակերպում	Հպ	Հլգ	Օլ
0205	Սոցիալական աշխատանք	Հպ	Հլգ	Օլ
0206	Հրատարակչական գործ	Հլգ	Հպ	Օլ
0207	Թարգմանություն և գործավարություն	Օլ	Հլգ	Հպ
0208	Թարգմանություն և մաքսավարություն	Օլ	Հլգ	Մ
0209	Թարգմանություն և արխիվավարություն	Օլ	Հլգ	Հպ
0210	Թարգմանություն և սպասարկման կազմակերպում	Օլ	Հլգ	Հպ
0301	Հայոց և օտար լեզուների դասավանդում	Հլգ	Օլ	Մ
0302	Հայոց լեզվի դասավանդում	Հլգ	Հլ	Մ
0303	Ռուսաց լեզվի դասավանդում	Ռլ	Հլգ	Օլ
0304	Օտար լեզվի դասավանդում	Օլ	Հլգ	Մ
0307	Ֆիզիկական կուլտուրա և սպորտ	Հլգ			Ֆիզ
0308	Մասնագիտական ուսուցում (ըստ ճյուղերի)	Մ	Հլգ	Հպ
0310	Երաժշտական կրթություն	Հլգ			Մասն	Սոլֆ
0312	Դասավանդում տարրական դասարաններում	Հլգ	Մ	Հպ
0313	Նախադպրոցական կրթություն	Հլգ	Մ	Հպ
0314	Հատուկ նախադպրոցական կրթություն	Հլգ	Մ	Հպ
0317	Սոցիալական մանկավարժություն	Հլգ	Մ	Հպ
0319	Պարի ուսուցում	Հլգ			Մասն
0401	Բուժական գործ	Հլգ			Կ
0402	Մանկաբարձական գործ	Հլգ			Կ
0403	Բուժկանխարգելման գործ	Հլգ			Կ
0404	Բժշկական օպտիկա	Հլգ			Ֆ
0405	Դեղագործություն	Հլգ			Կ
0406	Քույրական գործ	Հլգ			Կ
0407	Լաբորատոր ախտորոշում	Հլգ			Ք
0408	Լաբորատոր գործ	Հլգ			Կ
0410	Բուժական կոսմետոլոգիա	Հլգ			Կ
0411	Բուժական մերսում	Հլգ			Կ
0415	Քույրական գործի կազմակերպում	Հլգ			Կ
0416	Ատամնատեխնիկական գործ	Հլգ			Կ
0501	Գործիքային կատարողական արվեստ (ըստ գործիքների տեսակների)	Հլգ			Մասն	Սոլֆ
0502	Երգեցողություն	Հլգ			Մասն1	Մասն2
0503	Երգչախմբավարություն	Հլգ			Սոլֆ	Դշն
0504	Երաժշտության տեսություն	Հլգ			Սոլֆ	Եգ	Դշն
0505	Էստրադայի երաժշտարվեստ	Հլգ			Մասն	Սոլֆ
0506	Պարարվեստ	Հլգ			Մասն
0507	Դերասանական արվեստ	Հլգ			Մասն
0508	Կրկեսային արվեստ	Հլգ			Մասն
0509	Ռեժիսուրա (ըստ տեսակների)	Հլգ			Մասն
0511	Էստրադային արվեստ	Հլգ			Մասն
0512	Գեղանկարչություն	Հլգ			Գծն	Գնն	Կոմ
0513	Քանդակագործություն	Հլգ			Գծն	Քնդ	Կոմ
0514	Դիզայն (ըստ ճյուղերի)	Հլգ			Գծն	Գնն	Կոմ
0515	Զարդային-կիրառական արվեստ և ժողովրդական արհեստներ	Հլգ			Գծն	Գնն	Կոմ
0516	Արվեստի ստեղծագործությունների վերականգնում, կոնսերվացում և պահպանում	Հլգ			Մասն
0517	Գրադարանային գործ	Հլգ	Հպ	Օլ
0518	Սոցիալ-մշակութային գործունեություն և ժողովրդական գեղարվեստական ստեղծագործություն	Հլգ			Մասն
0520	Լուսային ռեժիսուրա	Հլգ			Մասն
0601	Էկոնոմիկա, հաշվապահական հաշվառում և աուդիտ (ըստ ճյուղերի)	Մ	Հլգ	Օլ
0602	Մենեջմենթ (կառավարում)  (ըստ ճյուղերի)	Մ	Հլգ	Օլ
0603	Ֆինանսներ (ըստ ճյուղերի)	Մ	Հլգ	Օլ
0604	Բանկային գործ	Մ	Հլգ	Օլ
0606	Ապահովագրական գործ (ըստ ճյուղերի)	Մ	Հլգ	Օլ
0607	Շուկայաբանություն (ըստ ճյուղերի)	Մ	Հլգ	Օլ
0608	Առևտուր (ըստ ճյուղերի)	Մ	Հլգ	Օլ
0612	Ապրանքագիտություն (ըստ համասեռ ապրանքների      խմբերի)	Մ	Հլգ	Օլ
0613	Հողային ռեսուրսների կառավարում	Մ	Հլգ	Օլ
0801	Երկրաբանական հանույթ, օգտակար հանածոների հանքավայրերի որոնում և հետախուզում	Մ	Ք	Հլգ
0804	Օգտակար հանածոների հանքավայրերի հետախուզման տեխնոլոգիա և տեխնիկա	Մ	Ք	Հլգ
0902	Բաց լեռնային աշխատանքներ	Մ	Ք	Հլգ
0903	Օգտակար հանածոների հանքավայրերի ստորերկրյա շահագործում	Մ	Ք	Հլգ
0904	Օգտակար հանածոների հարստացում	Մ	Ք	Հլգ
0908	Հանքահորային և ստորերկրյա շինարարություն	Մ	Ֆ	Հլգ
1001	Էլեկտրական կայաններ, ցանցեր և համակարգեր	Ֆ	Մ	Հլգ
1002	Էլեկտրահաղորդման գծերի տեղակայում և շահագործում	Ֆ	Մ	Հլգ
1004	Էլեկտրամատակարարում (ըստ ճյուղերի)	Ֆ	Մ	Հլգ
1005	Ջերմաէլեկտրակայաններ	Ֆ	Մ	Հլգ
1006	Ջերմամատակարարում և ջերմատեխնիկական սարքավորումներ	Ֆ	Մ	Հլգ
1007	Ատոմային և միջուկային էներգետիկական կայանքներ	Ֆ	Մ	Հլգ
1101	Սև մետաղների մետաղագործություն	Մ	Ֆ	Հլգ
1102	Գունավոր մետաղների մետաղագործություն	Մ	Ֆ	Հլգ
1103	Սև և գունավոր մետաղների ձուլման արտադրություն	Ֆ	Ք	Հլգ
1104	Մետաղագիտություն և մետաղների ջերմային մշակում	Ֆ	Ք	Հլգ
1105	Մետաղների ճնշամշակում	Ֆ	Մ	Հլգ
1106	Փոշեմետաղագործություն, կոմպոզիցիոն նյութեր, ծածկույթներ	Ֆ	Ք	Հլգ
1107	Մետաղների և եռակցումների որակի հսկում	Ֆ	Ք	Հլգ
1201	Մեքենաշինության տեխնոլոգիա	Ֆ	Մ	Հլգ
1202	Թռչող ապարատների արտադրություն	Ֆ	Մ	Հլգ
1203	Ավիացիոն շարժիչների արտադրություն	Ֆ	Մ	Հլգ
1205	Ավտոմոբիլաշինություն և տրակտորաշինություն	Ֆ	Մ	Հլգ
1206	Երկաթուղիների շարժակազմի արտադրություն	Ֆ	Մ	Հլգ
1207	Եռակցման արտադրություն	Ֆ	Մ	Հլգ
1208	Հղկիչ և ալմաստե գործիքներ	Ֆ	Մ	Հլգ
1209	Հատուկ մեքենաներ և սարքեր	Ֆ	Մ	Հլգ
1210	Իրերի արտադրություն ավտոմատ ռոտորային և ռոտորային- հոսքային գծերի վրա	Ֆ	Մ	Հլգ
1211	Հաստոցաշինություն	Մ	Ֆ	Հլգ
1701	Արդյունաբերական սարքավորումների տեղակայում և տեխնիկական շահագործում (ըստ ճյուղերի)	Մ	Ֆ	Հլգ
1703	Թռչող ապարատների և ավիաշարժիչների տեխնիկական շահագործում	Ֆ	Մ	Հլգ
1704	Տրանսպորտային էներգետիկ սարքերի շահագործում (ըստ տրանսպորտի տեսակների)	Ֆ	Մ	Հլգ
1705	Ավտոմոբիլային տրանսպորտի տեխնիկական սպասարկում և նորոգում	Մ	Ֆ	Հլգ
1706	Վերամբարձ տրանսպորտային, շինարարական, ճանապարհային մեքենաների և սարքավորումների շահագործում	Մ	Ֆ	Հլգ
1707	Երկաթուղային շարժակազմի տեխնիկական շահագործում	Մ	Ֆ	Հլգ
1708	Էլեկտրոնային տեխնիկայի արտադրության համար կիրառվող սարքավորումների տեխնիական շահագործում	Ֆ	Մ	Հլգ
1710	Սարքավորումների տեխնիկական շահագործում առևտրում և հանրային սննդում	Ֆ	Մ	Հլգ
1715	Բժշկական տեխնիկայի տեղակայում, տեխնիկական սպասարկում և նորոգում	Ֆ	Մ	Հլգ
1716	Հաստոցների շահագործում և սպասարկում	Ֆ	Մ	Հլգ
1719	Օդային տրանսպորտի երթևեկության կառավարում	Ֆ	Մ	Հլգ
1720	Թռչող ապարատների թռիչքային շահագործում	Ֆ	Մ	Հլգ
1721	Թռչող ապարատների սպասարկում վառելիքաքսուքային նյութերով	Ֆ	Մ	Հլգ
1723	Երկաթուղու էլեկտրաքարշի տեխնիկական շահագործում	Մ	Ֆ	Հլգ
1801	Էլեկտրական մեքենաներ և ապարատներ	Ֆ	Մ	Հլգ
1802	Էլեկտրամեկուսիչ, մալուխային և խտարարման տեխնիկա	Ֆ	Մ	Հլգ
1803	Լուսատեխնիկա և լույսի աղբյուրներ	Ֆ	Մ	Հլգ
1804	Տրանսպորտային էլեկտրասարքավորումների և ավտոմատիկայի շահագործում (ըստ տրանսպորտի տեսակների)	Ֆ	Մ	Հլգ
1805	էլեկտրատեխնիկական սարքեր	Ֆ	Մ	Հլգ
1806	Էլեկտրական և էլեկտրամեխանիկական սարքավորումների տեխնիկական շահագործում և սպասարկում (ըստ ճյուղերի)	Ֆ	Մ	Հլգ
1808	Էլեկտրոնային սարքեր և սարքավորումներ	Ֆ	Մ	Հլգ
1901	Սարքաշինություն	Մ	Ֆ	Հլգ
1902	Որակի հսկման և ախտորոշման սարքեր	Ֆ	Մ	Հլգ
1910	Ռադիոէլեկտրոնային գործիքային սարքեր	Ֆ	Մ	Հլգ
1911	Էլեկտրամեխանիկական գործիքային սարքեր	Ֆ	Մ	Հլգ
1913	Չափագիտություն	Մ	Ֆ	Հլգ
2001	Միկրոէլեկտրոնիկա և պինդմարմնային միկրոէլեկտրոնիկա	Ֆ	Մ	Հլգ
2002	Էլեկտրոնային սարքեր և սարքավորւմներ	Ֆ	Մ	Հլգ
2003	Ռադիոսարքաշինություն	Ֆ	Մ	Հլգ
2004	Կապի ցանցեր և հաղորդակցման համակարգեր	Ֆ	Մ	Հլգ
2005	Բազմուղի հեռուստահաղորդակցման համակարգեր	Ֆ	Մ	Հլգ
2006	Ռադիոկապ, ռադիոհաղորդում և հեռուստատեսություն	Ֆ	Մ	Հլգ
2007	Էլեկտրավորված և օդանավարկման համալիրների տեխնիկական շահագործում	Ֆ	Մ	Հլգ
2008	Օդերևութաբանական ռադիոտեխնիկական համակարգերի շահագործում	Ֆ	Մ	Հլգ
2009	Կապի միջոցների շահագործում	Ֆ	Մ	Հլգ
2010	Տրանսպորտային ռադիոէլեկտրոնային սարքավորումների տեխնիկական շահագործում (ըստ տրանսպորտի տեսակների)	Ֆ	Մ	Հլգ
2013	Լսատեսողական տեխնիկա և լսատեսողական ծրագրերի ձայնատեխնիկական ապահովում	Ֆ	Մ	Հլգ
2014	Ռադիոէլեկտրոնային տեխնիկայի տեխնիկական սպասարկում և նորոգում (ըստ ճյուղերի)	Ֆ	Մ	Հլգ
2015	Փոստային կապ	Մ	Օլ	Հլգ
2019	Կինոսարքավորումների և տեսատեխնիկայի շահագործում	Ֆ	Մ	Հլգ
2020	Հնչյունային տեխնիկայի սպասարկում	Ֆ	Մ	Հլգ
2101	Տեխնոլոգիական գործընթացների և արտադրությունների ավտոմատացում (ըստ ճյուղերի)	Ֆ	Մ	Հլգ
2102	Էլեկտրաէներգետիկական համակարգերի ռելեային պաշտպանություն և ավտոմատացում	Ֆ	Մ	Հլգ
2103	Ավտոմատիկան, հեռուստամեխանիկան և կապը տրանսպորտում (ըստ տրանսպորտի տեսակների)	Ֆ	Մ	Հլգ
2104	Կառավարման ավտոմատ համակարգեր	Ֆ	Մ	Հլգ
2105	Ջերմաէլեկտրակայանների տեխնոլոգիական գործընթացների ավտոմատացում	Ֆ	Մ	Հլգ
2106	Էլեկտրաէներգետիկական գործավարական կառավարման համակարգեր և միջոցներ	Ֆ	Մ	Հլգ
2107	Մեքենայացման և ավտոմատացման միջոցներ  (ըստ ճյուղերի)	Մ	Ֆ	Հլգ
2108	Որակի կառավարում	Մ	Ֆ	Հլգ
2201	Հաշվողական մեքենաներ, համալիրներ, համակարգեր և ցանցեր	Մ	Ֆ	Հլգ
2202	Տեղեկատվության մշակման և կառավարման ավտոմատացված համակարգեր (ըստ ճյուղերի)	Մ	Ֆ	Հլգ
2203	Հաշվողական տեխնիկայի և ավտոմատացված համակարգերի ծրագրային ապահովում	Մ	Ֆ	Հլգ
2204	Հաշվողական տեխնիկայի միջոցների և համակարգչային ցանցերի տեխնիկական սպասարկում	Մ	Ֆ	Հլգ
2205	Կիրառական ինֆորմատիկա (ըստ ճյուղերի)	Մ	Ֆ	Հլգ
2206	Մեխատրոնիկա	Մ	Ֆ	Հլգ
2301	Սպասարկման կազմակերպում	Մ	Հլգ	Օլ
2302	Սպասարկման կազմակերպում հյուրանոցներում և զբոսաշրջային համալիրներում	Հպ	Հլգ	Օլ
2303	Իրերի քիմիական մշակման սպասարկում	Ք	Մ	Հլգ
2304	Վարսավիրական արվեստ	Հլգ	Կ
2305	Լուսանկարչական գործ	Ֆ	Մ	Հլգ
2307	Զբոսաշրջություն	Հպ	Օլ	Հլգ
2308	Գովազդ	Հլգ	Օլ	Հպ
2311	Հասարակական սննդի սպասարկման կազմակերպում	Մ	Հլգ	Օլ
2312	Կոսմետիկա և դիմահարդարման արվեստ	Ք	Կ	Հլգ
2315	Սպասարկում տրանսպորտում (ըստ տրանսպորտի տեսակների)	Մ	Հլգ	Օլ
2401	Փոխադրումների կազմակերպում և կառավարում տրանսպորտում (ըստ տրանսպորտի տեսակների)	Մ	Ֆ	Հլգ
2402	Օդային տրանսպորտի երթևեկության կառավարում	Մ	Ֆ	Հլգ
2403	Թռչող ապարատների թռիչքային շահագործում	Մ	Ֆ	Հլգ
2404	Թռչող ապարատների սպասարկում վառելիքաքսուքային նյութերով	Ք	Ֆ	Հլգ
2409	Տրանսպորտային էներգետիկական կայանքների շահագործում (ըստ տրանսպորտի տեսակների)	Ֆ	Մ	Հլգ
2410	Թռչող հարմարանքներրի և շարժիչների տեխնիկական շահագործում	Ֆ	Մ	Հլգ
2411	Էլեկտրաֆիկացված և օդաչուաօդանավային   համալիրի տեխնիկական շահագործում	Ֆ	Մ	Հլգ
2412	Երկաթուղային շարժակազմի տեխնիկական շահագործում	Ֆ	Մ	Հլգ
2413	Տրանսպորտային էլեկտրասարքավորումների և ավտոմատիկայի շահագործում ըստ տրանսպորտի գտեսակների	Ֆ	Մ	Հլգ
2414	Տրանսպորտայի էներգետիկ սարքերի շահագործում	Ֆ	Մ	Հլգ
2415	Օդային տրանսպորտի շահագործում	Մ	Ֆ	Հլգ
2501	Օրգանական նյութերի քիմիական տեխնոլոգիա	Ք	Կ	Հլգ
2502	Անօրգանական նյութերի քիմիական տեխնոլոգիա	Ք	Կ	Հլգ
2503	Էլեկտրաքիմիական արտադրություն	Ք	Ֆ	Հլգ
2504	Կոքսաքիմիական արտադրություն	Ք	Կ	Հլգ
2505	Նավթի և գազի վերամշակում	Ք	Կ	Հլգ
2506	Պոլիմերային նյութերից պատրաստվող իրերի և ծածկույթների արտադրություն	Ք	Կ	Հլգ
2507	Կինոլուսանկարչանյութերի և մագնիսական կրիչների տեխնոլոգիա	Ֆ	Ք	Հլգ
2508	Սիլիկատային և դժվարահալ ոչ մետաղական նյութերի և իրերի արտադրություն	Ք	Ֆ	Հլգ
2509	Կենսաքիմիական արտադրություն	Ք	Կ	Հլգ
2510	Երկրորդական հումքի վերամշակում	Ք	Կ	Հլգ
2512	Հրատեխնիկական միացությունների  և իրերի տեխնոլոգիա	Ք	Կ	Հլգ
2514	Քիմիական միացությունների որակի անալիտիկ հսկում	Ք	Մ	Հլգ
2515	Վերամշակման արտադրության քիմիական տեխնոլոգիա	Ք	Կ	Հլգ
2601	Փայտամթերման տեխնոլոգիա	Ք	Մ	Հլգ
2602	Փայտամշակման տեխնոլոգիա	Ք	Մ	Հլգ
2603	Փայտանյութի վերամշակման տեխնոլոգիա	Ք	Մ	Հլգ
2604	Անտառային և անտառապուրակային տնտեսություն	Կ	Մ	Հլգ
2605	Պարտեզապուրակային և երկրապատկերային շինարարություն	Մ	Կ	Հլգ
2701	Հացահատիկի պահպանման և վերամշակման տեխնոլոգիա	Ք	Կ	Հլգ
2702	Հացաթխման, մակարոնային և հրուշակեղենի տեխնոլոգիա	Ք	Կ	Հլգ
2703	Քաղցրավենիքի տեխնոլոգիա	Ք	Կ	Հլգ
2704	Խմորման արտադրությունների տեխնոլոգիա և գինեգործություն	Ք	Կ	Հլգ
2706	Ճարպերի և ճարպափոխարինիչների տեխնոլոգիա	Ք	Կ	Հլգ
2707	Պահածոների և սննդախտանյութերի տեխնոլոգիա	Ք	Կ	Հլգ
2708	Մսի և մսամթերքների տեխնոլոգիա	Ք	Կ	Հլգ
2709	Ձկան և ձկնամթերքի տեխնոլոգիա	Ք	Կ	Հլգ
2710	Կաթի և կաթնամթերքի տեխնոլոգիա	Ք	Կ	Հլգ
2711	Հանրային սննդամթերքի տեխնոլոգիա	Ք	Կ	Հլգ
2802	Մանրաթելային նյութերի նախնական վերամշակում	Ք	Կ	Հլգ
2807	Մանվածքային իրերի տեխնոլոգիա	Ք	Կ	Հլգ
2808	Հագուստի մոդելավորում և նախագծում	Հլգ			Գծն
2809	Հագուստի պատրաստման տեխնոլոգիա	Մ	Կ	Հլգ
2810	Կաշվի և մորթու տեխնոլոգիա	Ք	Կ	Հլգ
2811	Կաշվե իրերի արտադրություն	Ք	Կ	Հլգ
2813	Թղթե և ստվարաթղթե իրերի արտադրություն	Մ	Ք	Հլգ
2814	Պոլիգրաֆիական արտադրություն	Մ	Ֆ	Հլգ
2815	Նվագարանների արտադրություն	Մ	Ֆ	Հլգ
2816	Խաղալիքների գեղարվեստական նախագծում, մոդելավորում և ձևավորում	Հլգ			Գծն
2817	Մորթե արտադրանքի մոդելավորում և նախագծում	Հլգ			Գծն
2818	Կաշվե արտադրանքի մոդելավորում և նախագծում	Հլգ			Գծն
2819	Սպառողական ապրանքների որակի փորձաքննություն	Մ	Ք	Հլգ
2901	Ճարտապետություն	Մ	Ֆ	Հլգ
2902	Շենքերի և կառույցների շինարարություն ու շահագործում	Մ	Ֆ	Հլգ
2903	Քաղաքային հաղորդակցության ուղիների շինարարություն և շահագործում	Մ	Ֆ	Հլգ
2904	Երկաթուղիների շինարարություն, երկաթգիծ և գծային տնտեսություն	Մ	Ֆ	Հլգ
2905	Ավտոմոբիլային ճանապարհների և օդանավակայանների շինարարություն ու շահագործում	Մ	Ֆ	Հլգ
2906	Հիդրոտեխնիկական շինարարություն	Մ	Ֆ	Հլգ
2907	Թունելների և մետրոպոլիտենների շինարարություն	Մ	Ֆ	Հլգ
2908	Կամուրջների շինարարություն	Մ	Ֆ	Հլգ
2909	Ոչ մետաղական շինարարական իրերի և կոնստրուկցիաների արտադրություն	Մ	Ֆ	Հլգ
2910	Մետաղական կոնստրուկցիաների պատրաստում	Մ	Ֆ	Հլգ
2911	Արդյունաբերական սարքավորումների տեղակայում	Մ	Ֆ	Հլգ
2912	Ջրամատակարարում և ջրահեռացում	Մ	Ֆ	Հլգ
2913	Արդյունաբերական և քաղաքացիական շենքերի էլեկտրական սարքավորումների տեղակայում, կարգավորում ու շահագործում	Ֆ	Մ	Հլգ
2914	Ներքին ջեռուցման և օդափոխման համակարգերի սանիտարատեխնիկական սարքավորումների ու օդափոխման համակարգերի տեղակայում և շահագործում	Մ	Ֆ	Հլգ
2915	Գազամատակարարման սարքավորումների և համակարգերի տեղակայում ու շահագործում	Մ	Ֆ	Հլգ
2916	Քաղաքաշինական կադաստր	Մ	Ֆ	Հլգ
2917	Հանքահորային շինարարություն	Մ	Ֆ	Հլգ
3001	Կիրառական գեոդեզիա	Մ	Ֆ	Հլգ
3002	Աէրոֆոտոգեոդեզիա	Մ	Ֆ	Հլգ
3101	Հողաշինարարություն	Մ	Ֆ	Հլգ
3102	Գյուղատնտեսագիտություն	Ք	Կ	Հլգ
3103	Անասնաբուծություն	Ք	Կ	Հլգ
3104	Անասնաբուժություն	Ք	Կ	Հլգ
3105	Մեղվաբուծություն	Ք	Կ	Հլգ
3106	Գյուղատնտեսության մեքենայացում	Մ	Ֆ	Հլգ
3107	Գյուղատնտեսության էլեկտրաֆիկացում և ավտոմատացում	Ֆ	Մ	Հլգ
3108	Բուսաբուծական արտադրանքի պահպանում և վերամշակում	Ք	Կ	Հլգ
3109	Ձկնաբանություն և ձկնաբուծություն	Կ	Ք	Հլգ
3110	Արդյունաբերական ձկնորսություն	Կ	Ք	Հլգ
3111	Որսագիտություն և գազանաբուծություն	Կ	Ք	Հլգ
3112	Գյուղացիական (ֆերմերային) տնտեսության կազմակերպում	Կ	Մ	Հլգ
3114	Գյուղատնտեսական մեքենաների և սարքավորումների շահագործում և նորոգում	Մ	Ֆ	Հլգ
3201	Հրդեհային անվտանգություն	Ք	Ֆ	Հլգ
3202	Հրշեջ-փրկարարական տեխնիկայի տեխնիկական սպասարկում և նորոգում	Մ	Ֆ	Հլգ
3203	Կառավարում արտակարգ իրավիճակներում	Մ	Ֆ	Հլգ
3204	Շրջակա միջավայրի պահպանում և բնական պաշարների արդյունավետ օգտագործում	Ք	Կ	Հլգ
3205	Հողաբարելավում, հողային և ջրային պաշարների օգտագործում և պահպանությոն	Մ	Կ	Հլգ
3207	Վայրի բույսերի վերարտադրություն, հավաք և մթերում	Կ	Ք	Հլգ
3208	Վայրի կենդանիների վերարտադրություն	Կ	Ք	Հլգ
3401	Չափագիտություն	Մ	Ֆ	Հլգ
3404	Արտադրանքի ստանդարտացում և համապատասխանության հավաստում (սերտիֆիկացում)` ըստ ճյուղերի	Ք	Մ	Հլգ
3405	Մետաղների և եռակցված միացությունների որակի հսկում	Ք	Ֆ	Հլգ
3406	Դոզաչափություն և ճառագայթապաշտպանություն	Ք	Ֆ	Հլգ
3407	Շինարարական արտադրության որակի հսկում	Մ	Ֆ	Հլգ
3408	Շինարարական իրերի և կոնստրուկցիաների որակի հսկում	Մ	Ֆ	Հլգ

 

Օգտագործված հապավումներ

Հլ – Հայոց լեզու
Կոմ – Կոմպոզիցիա
Հլգ – Հայոց լեզու և գրականություն
Ք – Քիմիա
Ռլ – Ռուսաց լեզու
Կ – Կենսաբանություն
Օլ – Օտար լեզու
Ֆիզ – Ֆիզկուլտուրա
Մ – Մաթեմատիկա
ՀՊ – Հայոց պատմություն
Ֆ – Ֆիզիկա
Մասն – Մասնագիտական
Գնն – Գունանկար
Սոլֆ – Սոլֆեջիո
Քնդ – Քանդակ
Դշն – Դաշնամուր
Գծն – Գծանկար
ԵԳ – Երաժշտական գրագիտություն

1. Մրցութային առարկայի գնահատական/միավոր է համարվում հիմնական կրթության վկայականի որակավորման, միջնակարգ կրթության ատեստատի պետական ավարտական քննություններից ստացած համապատասխան առարկայի միավորը, նախնական մասնագիտական (արհեստագործական), միջին մասնագիտական, բարձրագույն մասնագիտական կրթության դիպլոմի ներդիրի քննական գնահատականը:
Եթե առարկան քննական չէ՝ ապա մրցութային առարկայի գնահատական/միավոր է համարվում հիմնական կրթության վկայականի կամ միջնակարգ կրթության ատեստատի համապատասխան առարկայի առաջադիմության միավորը:

2. Հիմնական կրթության վկայականի, միջնակարգ կրթության ատեստատի քննական միավորների միջին թվաբանական կամ նախնական մասնագիտական (արհեստագործական), միջին մասնագիտական, բարձրագույն մասնագիտական կրթության դիպլոմի ներդիրի գնահատականների միջին թվաբանականը հաշվարկելիս անհրաժեշտ է անցնել 20-միավորային համակարգի` օգտվելով ներքոնշյալ սանդղակներից:

1) Գնահատման 5-միավորային համակարգից 20-միավորային համակարգի անցման համար կիրառվում է հետևյալ սանդղակը.

5-միավորային համակարգ	20-միավորային համակարգ
«5»	«20»
«4»	«17»
«3»	«13»

 

2) Գնահատման 10-միավորային համակարգից 20-միավորային համակարգի անցման համար կիրառվում է հետևյալ սանդղակը.

10-միավորային համակարգ	20-միավորային համակարգ
<10>	<20>
<9>	<18>
<8>	<16>
<7>	<14>
<6>	<12>
<5>	<10>
<4>	<8>

 

3. Հիմնական կրթության վկայականի, միջնակարգ կրթության ատեստատի միավորների, նախնական մասնագիտական (արհեստագործական), միջին մասնագիտական,  բարձրագույն մասնագիտական կրթության դիպլոմի ներդիրի գնահատականների միջին թվաբանականը հաշվելիս այն կլորացվում է  տասնորդականի ճշտությամբ: