Ապրիլի 22-ին Արմավիրի արվեստի պետական քոլեջի հայոց լեզվի և գրականության դասախոս Ա. Մովսիսյանը 1-ին կուրսի ուսանողների մասնակցությամբ անցկացրեց բաց դաս` նվիրված հայ մեծ բանաստեղծ Վահան Տերյանին:
Դասի բացումը կատարեց Ա.Մովսիսյանը` ներկաներին փոխանցելով տերյանական շունչն ու հոգին, կարոտն ու սերը, գեղագիտական արժեքները: Ողջ դասի ընթացքում ուսանողներն ասմունքեցին տարբեր բանաստեղծություններ հեղինակի <<Մթնշախի անուրջներ>> և <<Երկիր Նայիրի>> շարքերից, իսկ երաժիշտ ուսանողները կատարեցին հեղինակի բանաստեղծությունների հիման վրա գրված երգեր:
Ամենուր թևածում էր տերյանական թախիծն ու սերը, իսկ ուսանողների ձեռքերով նկարված նկարները, ծաղիկները, դանդաղ երաժշտությունն ու ասմունքը տերյանական զգացմունքային երանգներ էին հաղորդում դասին:
