Մայիսի 12-13 –ը Երևանի Կոմիտասի անվան պետական կոնսերվատորիան մեկնարկեց ամենամյա երաժշտագիտական կոնֆերանս, որին մասնակցում էր Արմավիրի արվեստի պետական քոլեջը:
Երաժշտագիտական կոնֆերանսի նպատակն էր բացահայտել ուսանողների կարողությունները` մասնագիտական նյութի տիրապետում, վերլուծություն , եզրակացությունների և երաժշտական աշխարհում կատարվող մի շարք դրսևորումների գնահատում:
Արմավիրի արվեստի պետական քոլեջի ներկայացուցիչն էր` 4-րդ կուրսի ուսանողուհի` Հերմինե Հարությունյանը / ղեկավար Արմենուհի Բաբլոյան/: Լինելով դաշնակահարուհի, նա, իր ցանկությունն արտահայտեց մասնկացելու և պետք է ասել , որպես առաջին ելույթ բարձր գնահատվեց ներկաների կողմից :
Զեկուցման թեման էր` ,, Վարդան Աճեմյանի թիվ 2 դաշնամուրային կոնցերտը,, : Կոնցերտի պարտիտուրը տրամադրել էր կոմպոզիտոր` Վարդան Աճեմյանը, որը նաև մեծ սիրով օգնություն ցուցաբերեց ուսանողուհուն` աշխատանքը լավագույնս ներկայացնելու համար: Կոնֆերանսին ներկա էին բազմաբնույթ գործունեություն ծավալող մի շարք կոմպոզիտորներ`Վարդան Աճեմյանը, Վլադիլեն Բալյանը, Միխաիլ Կոկժաևը, երաժշտագետներ` Մհեր Նավոյանը, Ալինա Փահլևանյանը, Ժաննա Զուրաբյանը. Ծովինար Մովսիսյանը, Սուսաննա Աճեմյանը, ինչպես նաև Արմավիրի արվեստի , Երևանի Ռ.Մելիքյանի և Ա, Բաբաջանյանի անվան պետական քոլեջների դասախոսներ և ուսանողներ:
Կոնֆերանսի վերջում նախագահ` Արմեն Գեոդակյանը և փոխնախագահ` Օլյա Նարինջանյանը մասնակիցներին հանձնեցին երաժշտական գրականություն:
Երաժշտագետ` Արմենուհի Բաբլոյան
